|
Яңалыклар
Фәрит Мөхәммәтшин “Зенит-Казан” волейболчыларына Россия чемпионатында уңышлар теләде
Фәрит Мөхәммәтшин “Зенит-Казан” волейболчыларына Россия чемпионатында уңышлар теләде |
|
6 сентябрь көнне, яңа волейбол сезоны һәм Россия чемпионаты ачлыры алдыннан, Казанның волейбол үзәгендә Европаның иң көчле командасы саналган “Зенит-Казан”ны тәкъдим итү чарасы булды. Команданың җанатарлары, волейбол сөючеләр һәм журналистлар белән очрашуда ТР Дәүләт Советы Рәисе, Татарстанның Волейбол федерацмясе президенты Фәрит Мөхәммәтшин катнашты.
Спортчыларга алдагы Россия чемпионатында уңышлы чыгышларга хәер-фатиха биреп, Фәрит Мөхәммәтшин аларга спорт дөньясында республиканың абруен күтәрүгә керткән өлешләре өчен рәхмәт белдерде. “Сезнең тырышлык белән волейбол Татарстанда иң популяр спорт төрләренең берсенә әйләнде, - диде ул. – Татарстанның волейбол командалары Россия һәм Европа турнирларында иң югары урыннаргы лаек булганнар икән – боларның барысы да сезнең гаять зур хезмәтегез нәтиҗәсе. Без сезгә ышанабыз һәм яңа җиңүләр көтеп калабыз”.
Аннары Фәрит Мөхәммәтшин кайбер уенчыларга һәм команданың баш тренерына “алтын” майкалар тапшырды.
Матбугат хезмәте
Кирегә
|
|
Матбугаттагы басмалар
|