Мухаметшин Фарид Хайруллович Председатель Государственного Совета
Төп бит Старт Сайланма Сайтның картасы

рус : тат : eng
Карта Татарстана
Хөрмәтле дуслар!

Сезне Интернет челтәрендә үземнең рәсми сайт битләрендә сәламли алуыма шатмын. Бу ресурс битләрендә Сез Татарстан Республикасы Дәүләт Советы һәм аның Рәисе турында төрле мәгълүмат таба аласыз.

Ихтирам белән,
Фәрид Мөхәммәтшин

Интернет-приемная

Вакыйгалар

Яңалыклар
Матбугаттагы басмалар, чыгышлар
Фотогалерея
Видеорепортажи
Аудио-интервью

Яңалыкларга язылу



Яңалыклар

Фәрит Мөхәммәтшин: Төбәкләрнең халыкара элемтә хокукы Россиянең тышкы сәясәтен баета

Фәрит Мөхәммәтшин: Төбәкләрнең халыкара элемтә хокукы Россиянең тышкы сәясәтен баета

фото Полномочного представительства Республики Татарстан в Москве
фото Полномочного представительства Республики Татарстан в Москве
фото Полномочного представительства Республики Татарстан в Москве
фото Полномочного представительства Республики Татарстан в Москве
фото Полномочного представительства Республики Татарстан в Москве
фото Полномочного представительства Республики Татарстан в Москве
фото Полномочного представительства Республики Татарстан в Москве
Бүген Мәскәүдә, Татарстан Республикасының Россия Федерациясендәге Тулы вәкаләтле вәкиллегендә “Россия – ислам дөньясы” стратегик юнәлеш төркеме координаторы Вениамин Поповның Россия составындагы республикаларның даими вәкилләре белән очрашуы булды. Чара барышында стратегик юнәлеш төркеме проектлары һәм субъектларның аларда катнашуы турында фикер алышынды.

Чарада катнашучыларга Мәскәүдә эшлекле сәфәрдә булган Татарстан Республикасы Дәүләт Советы рәисе Фәрит Мөхәммәтшин да кушылды. Республика парламенты башлыгы күптән түгел Казанда узган “Россия Федерациясе төбәкләренең тышкы элемтәләре. Татарстан Республикасы тәҗрибәсе” фәнни-гамәли конференциясе турында сөйләде.

Фәрит Мөхәммәтшин сүзләренчә, Россия Конституциясе тарафыннан билгеләнгән төбәкләрнең халыкара элемтәләр алып бару хокукы Россиянең тышкы сәясәтен баета, халык хуҗалыгының көндәшлеккә сәләтле инновацион тармаклары үсешенә йогынты ясый. Төбәкләрнең күпкырлы әлеге эшчәнлеге Россия чит ил эшләре һәм Икътисади үсеш министрлыклары тарафыннан актив хуплана.

Татарстан Республикасы Дәүләт Советы спикеры көнбатыш илләр белән булган кебек Гарәп һәм Азия дәүләтләре белән дә элемтәләр киңәюен билгеләп үтте.

Россия Президенты Владимир Путин кушуы буенча Татарстан Президенты Рөстәм Миңнеханов җитәкләгән “Россия – Ислам дөньясы” стратегик юнәлеш төркеме форматында да икътисади һәм сәяси мәйданнарда үзара хезмәттәшлек үзенең уңышлы нәтиҗәләрен бирә.

Чарада катнашучыларның сорауларына җавап биргәндә Фәрит Мөхәммәтшин Россия составында булган республикаларда дәүләт телләрен һәм туган телне укыту һәм өйрәнү мәсьәләләренә тукталып үтте.

“Хәзер без Татарстанда бу мәсьәлә белән актив шөгыльләнәбез. Пушкин, Тургенев һәм Толстой телен өйрәнгәндә без үз телебезне дә онытмаска тиеш. Үз халкыбыз алдында җаваплы булганга без аны саклау өчен барын да эшләргә тиешбез. Хәзерге вакытта федераль мәгариф министрлыгы, Россия Президенты хакимияте белән сөйләшүләр алып барабыз. Татарстанда дәүләт телләрен мәҗбүри өйрәнүне саклауда килешү табарбыз, дип ышанам”, – диде ул.

“Әгәр дә тел китсә, халык бетә, – дип килеште “Россия – ислам дөньясы” стратегик юнәлеш төркеме координаторы Вениамин Попов. – Россия мәдәнияте аңа безнең зур илебез халкы мәдәниятләре елгачыклардай агып торганга бай”.

Фәрит Мөхәммәтшин моннан тыш шактый гына федераль очрашуларда булды. Дәүләт Советы матбугат хезмәте



Принтердан чыгару өчен



Матбугаттагы басмалар

19 май 2017
Фәрит Мөхәммәтшин: “Хакимият гомерлеккә бирелми. Иң мөһиме – кеше булып калу”
Чыганак: “Шәһри Казан” газетасы, 2017 елның 19 мае

Фотоархив

Гаилә фотоальбомы
Бөтен архивны карарга
Татарстан Республикасы Дәүләт Советы Рәисенең шәхси сайты, 2008 - 2023 еллар.
Материаллардан файдаланганда чыганакка сылтама ясау мәҗбүри.