Мухаметшин Фарид Хайруллович Председатель Государственного Совета
Төп бит Старт Сайланма Сайтның картасы

рус : тат : eng
Карта Татарстана
Хөрмәтле дуслар!

Сезне Интернет челтәрендә үземнең рәсми сайт битләрендә сәламли алуыма шатмын. Бу ресурс битләрендә Сез Татарстан Республикасы Дәүләт Советы һәм аның Рәисе турында төрле мәгълүмат таба аласыз.

Ихтирам белән,
Фәрид Мөхәммәтшин

Интернет-приемная

Вакыйгалар

Яңалыклар
Матбугаттагы басмалар
Фотогалерея
Видеорепортажи
Аудио-интервью

Яңалыкларга язылу



Яңалыклар

Татарстан Республикасы Дәүләт Советы Рәисе Фәрит Мөхәммәтшинның Халыкара өлкәннәр көне белән котлавы

Татарстан Республикасы Дәүләт Советы Рәисе Фәрит Мөхәммәтшинның Халыкара өлкәннәр көне белән котлавы
Хөрмәтле хезмәт һәм сугыш ветераннары! Халыкара өлкәннәр көне уңаеннан сезгә иң җылы һәм ихлас котлауларымны җиткерәм!

Бу бәйрәм  җәмгыятебезнең  эзлекле үсешенә нигез булган чорлар  һәм буыннар бәйләнешен гәүдәләндерә. Нәкъ менә  өлкән буын кешеләре  үзләренең тормыш тәҗрибәсе белән илебезнең һәм халкыбызның  тарихи сәхифәләрен баета. Рухи кыйммәтләрне һәм милли гореф-гадәтләребезне саклап, безнең әти-әниләребез, әби-бабаларыбыз белгәннәрен балаларына һәм оныкларына тапшыра.

  Татарстанда Өлкәннәр көнен бәйрәм итү – рәсми тантана гына түгел, өлкәннәргә чын йөрәктән игътибарлылык һәм җылы мөнәсәбәт күрсәтү, тыйнак һәм фидакарь хезмәт ияләренә илебез, туган республикабыз һәм киләчәк буын хакына башкарган эшләре өчен ихтирам һәм рәхмәтләребезне җиткерү.

Хәзерге вакытта республикада пенсия яшендәге миллионнан артык кеше яши, бу сан һаман артып тора. Дәүләт алдында торган мөһим бурычларның берсе – ветераннарга һәм остазларга, шул исәптән эшләүчеләргә дә, һәрьяклап ярдәм итү. Һичшиксез, моның өчен күп эшләнә. Пенсия турындагы кануннарны камилләштерү кысаларында Россия Федерациясе Федераль Җыелышы Дәүләт Думасында һәм региональ парламентларда төрле тәкъдимнәр карала. Россия Федерациясе Президенты мондый гражданнарның хокукларын  һәм мәнфәгатьләрен өстәмә яклый торган тәкъдимнәр белән чыкты. Пенсияләрне индексацияләү, гадәти социаль йөкләмәләрне үтәү белән бергә “2025 елга кадәр Россия Федерациясендә өлкән буын гражданнар мәнфәгатьләрендәге  гамәлләр стратегиясе”  мөһим роль уйный. Бу әһәмиятле документ “төрле яшьтәге кешеләр  өчен җәмгыять” төзү, өлкән буынны җәмәгать эшенә тарту, хезмәткә җәлеп итү, эш белән тәэмин итү, аларга иҗади озын гомер тәэмин итү кебек бурычлар куя.

Шушы уңайдан үз тирәсенә көннән-көн күбрәк социаль актив гражданнарны туплаучы республика ветеран  оешмаларының, шулай ук ун елдан артык эшләп килүче Өлкән буын университетының күпкырлы эшчәнлеген искә алмый мөмкин түгел. Аның девизы: “Гыйлем аша өлкәннәрнең тормыш-көнкүрешен яхшырту”. Һәм бу – буш сүзләр генә түгел. Төрле программалар  заманча тормышка уңышлы  яраклашырга, компьютер технологияләрен үзләштерергә, яңа белем тупларга һәм дуслар табарга мөмкинлек бирә.

Кадерле ветераннар! 

Әлеге бәйрәм көннәрендә  барыгызга да – лаеклы ялга чыкканнарга да, хезмәтен дәвам итүчеләргә дә – нык сәламәтлек, иминлек, озын гомер, җан тынычлыгы телим. Якыннарыгызның мәхәббәтен һәм хөрмәтен тоеп, бәхетле  яшәгез. Яшь күңелегез озак елларга көч-куәт өстәп торсын!  Бәйрәм белән!





Принтердан чыгару өчен



Матбугаттагы басмалар

19 май 2017
Фәрит Мөхәммәтшин: “Хакимият гомерлеккә бирелми. Иң мөһиме – кеше булып калу”
Чыганак: “Шәһри Казан” газетасы, 2017 елның 19 мае

Фотоархив

Люди и события
Спикеру Государственной Думы РФ Вячеславу Володину презентовали ИТ-проекты резидентов технопарка им. Попова. Во время мероприятия Фарид Мухаметшин отправил посылку с комплектом книг в парламентскую библиотеку Государственной Думы РФ. Иннополис. 13 февраля 2017 г.
Бөтен архивны карарга
Татарстан Республикасы Дәүләт Советы Рәисенең шәхси сайты, 2008 - 2018 еллар.
Сайтның администраторы
Материаллардан файдаланганда чыганакка сылтама ясау мәҗбүри.