Мухаметшин Фарид Хайруллович Председатель Государственного Совета
Төп бит Старт Сайланма Сайтның картасы

рус : тат : eng
Карта Татарстана
Хөрмәтле дуслар!

Сезне Интернет челтәрендә үземнең рәсми сайт битләрендә сәламли алуыма шатмын. Бу ресурс битләрендә Сез Татарстан Республикасы Дәүләт Советы һәм аның Рәисе турында төрле мәгълүмат таба аласыз.

Ихтирам белән,
Фәрид Мөхәммәтшин

Интернет-приемная

Вакыйгалар

Яңалыклар
Матбугаттагы басмалар, чыгышлар
Фотогалерея
Видеорепортажи
Аудио-интервью

Яңалыкларга язылу



Яңалыклар

Конференция делегатлары VI чакырылыш Татарстан Республикасы Дәүләт Советына кандидатлар сайлады

Конференция делегатлары VI чакырылыш Татарстан Республикасы Дәүләт Советына кандидатлар сайлады

Бүген Казанда «Бердәм Россия» Бөтенроссия сәяси партиясе Татарстан төбәк бүлегенең XXX конференциясе узды. Анда партиянең 45 җирле бүлегеннән 189 делегат һәм шулай ук алдан тавыш бирүдә көч сынашкан кандидатлар катнашты. Делегатлар VI чакырылыш Татарстан Республикасы Дәүләт Советына сайлауларда партия алдында торган бурычлар хакында сөйләштеләр.

Делегатларны Татарстан Республикасы  Президенты, "Бердәм Россия" партиясенең Югары Советы бюросы әгъзасы  Рөстәм Миңнеханов сәламләде. Ул республиканың киләчәк  үсешен законнар белән тәэмин итү,  социаль  программаларны һәм  илкүләм проектларны гамәлгә ашыру 8 сентябрьдә сайланачак депутатлар корпусыннан тора, дип басым ясады.  

Татарстанның социаль тармакта тотрыклы вәзгыять урнашкан, икътисад яктан көчле гражданнар җәмгыяте булуында  Дәүләт Советының роле зур, диде ул.

«Бишенче чакырылыш республика парламенты, әйдәп баручы «Бердәм Россия» партиясенең эшенә йомгак ясарга кирәк. Бу безнең гражданнар алдында нәрсә эшләнүе һәм нинди бурычлар куелуы турында хисап. Алга таба да республика һәм ил өчен нәтиҗәле эшләргә кирәк. Безнең көчле, профессиональ, эшкә сәләтле парламент булуы мөһим», - диде Татарстан Президенты Рөстәм Миңнеханов үз чыгышында.

VI чакырылыш Дәүләт Советына сайлауларда катнашу  буенча "Бердәм Россия" партиясенең төбәк бүлеге алдында торган бурычлар турында  Татарстан парламенты башлыгы,  партиянең төбәк бүлеге Секретаре Фәрит Мөхәммәтшин сөйләде. Ул партиянең сайлау алды кампаниясенә  шактый катлаулы чорда,  пенсия реформасы,  каты көнкүреш калдыкларын эшкәртү буенча федераль законнарны камилләштерү буенча карарлар кабул итү зарурлыгы шартларында керүенә игътибар юнәлтте. Бу карарлар өчен җаваплылыкны "Бердәм Россия" партиясе үз өстенә алды. Халыкны социаль яклау максатыннан  төбәкләр дәрәҗәсендә норматив-хокукый актлар кабул ителде.

Бүгенге көндә партиянең 45  җирле бүлегендә 128 мең татарстанлы партия әгъзасы булып тора. Парламентта, хакимиятнең җирле вәкиллекле органнарында  "Бердәм Россия" партиясенең фракцияләре һәм  депутат төркемнәре бар. Алар, Татарстаннан сайланган Россия Дәүләт Думасы  депутатлары белән бергәләп, актив  эшләүче  «вертикаль» хасил итәләр, дигән фикердә Фәрит Мөхәммәтшин.  Партия  сафларында  башкарма хакимияттә эшләүчеләр,  бизнес өлкәсеннән һәм иҗтимагый оешмалардан абруйлы шәхесләр  күп.

"Без бергәләп республика командасын тәшкил итәбез! Шулай булуыбыз 2014 елда Татарстан Дәүләт Советына  сайлаулар вакытында халыктан кергән "наказ"ларның  80% үтәргә мөмкинлек бирде, - диде парламент башлыгы. - Бердәмроссияле депутатлар  тырышлыгы белән халыкта "президентныкы" дип аталып йөртелгән,  41 миллиард сумлык бюджеты булган  кырыклап программаны  тормышка ашырырга мөмкин булды.

"Хәзерге сайлау кампаниясендә безнең төп максатыбыз – икътисади үсешнең татарстанлыларның тормыш сыйфатында чагылуы. Кешеләр республиканың уңышларын үзләрендә тоярга тиешләр", - диде Фәрит Мөхәммәтшин.

Ул  "Бердәм Россия" партиясенең төбәк бүлеге сайлауларның чиста һәм гадел узуы өчен тырышачагын  әйтте. "Мин үзебезнең оппонентларны, сәяси партия вәкилләрен һәм үз-үзләрен тәкъдим итүчеләрне  сайлау барышында югары мәдәниятле булырга, сайлауларның чисталыгын һәм легитимлыгын сакларга чакырам", - диде ул.

Конференциядә Дәүләт Советы Рәисе урынбасары  Юрий Камалтынов VI чакырылыш ТР Дәүләт Советына партия исемлеге һәм бермандатлы сайлау округлары буенча  кандидатлар күрсәтү мәсьәләләре буенча чыгыш ясады. Аннан соң яшерен тавыш бирү оештырылды.

Дәүләт Советы матбугат хезмәте, Андрей Данилов фотолары





Принтердан чыгару өчен



Матбугаттагы басмалар

19 май 2017
Фәрит Мөхәммәтшин: “Хакимият гомерлеккә бирелми. Иң мөһиме – кеше булып калу”
Чыганак: “Шәһри Казан” газетасы, 2017 елның 19 мае

Фотоархив

Социологик фәннәр кандидаты гыйльми дәрәҗәсенә диссертация яклау - Казан, 1996 елның 28 марты
Бөтен архивны карарга
Татарстан Республикасы Дәүләт Советы Рәисенең шәхси сайты, 2008 - 2019 еллар.
Сайтның администраторы
Материаллардан файдаланганда чыганакка сылтама ясау мәҗбүри.