Мухаметшин Фарид Хайруллович Председатель Государственного Совета
Төп бит Старт Сайланма Сайтның картасы

рус : тат : eng
Карта Татарстана
Хөрмәтле дуслар!

Сезне Интернет челтәрендә үземнең рәсми сайт битләрендә сәламли алуыма шатмын. Бу ресурс битләрендә Сез Татарстан Республикасы Дәүләт Советы һәм аның Рәисе турында төрле мәгълүмат таба аласыз.

Ихтирам белән,
Фәрид Мөхәммәтшин

Интернет-приемная

Вакыйгалар

Яңалыклар
Матбугаттагы басмалар, чыгышлар
Фотогалерея
Видеорепортажи
Аудио-интервью

Яңалыкларга язылу



Яңалыклар

Фәрит Мөхәммәтшин: "Кеше капиталыннан башка милли проектларны башкару җиңел булмаячак"

Фәрит Мөхәммәтшин: "Кеше капиталыннан башка милли проектларны башкару җиңел булмаячак"

Татарстан Дәүләт Советы Рәисе Фәрит Мөхәммәтшин кеше капиталыннан башка милли проектларны гамәлгә ашыру җиңел булмаячак дип саный. Бу хакта ул «Үсеш локомотивлары» стратегик инициативалар конкурсы белем бирү программасының III укыту модуленә старт биргәндә әйтте. Инновацион икътисад төзү өчен талантлы белгечләр эзләү проектнын «Бердәм Россия» партиясе гамәлгә ашыра.

Республика парламенты спикеры конкурсны ихтыяҗ булган һәм кирәкле проект дип атады. «Без яхшы кеше капиталыннан башка милли проектларны гамәлгә ашыру җиңел булмаячак, дигән нәтиҗәгә килдек. Ә сез укыган вакытта әлеге программаларда катнашып, зур капитал алачаксыз, конкурентлыкка сәләтле һәм кирәкле кешеләр буласыз», — дип мөрәҗәгать итте ул программада катнашучыларга.

Конкурста икътисад, сәнәгать секторы һәм идарә өлкәсендә 40 яшькә кадәрге яшь профессионаллар, «икътисад» һәм «менеджмент» әзерлек юнәлешләре буенча чыгарылыш курсларында белем алучы студентлар катнашты.

«Үсеш локомотивлары»нда катнашу өчен иң күп гариза Казан, Чаллы, Әлмәт һәм Алабуга шәһәрләреннән килде. Сайлап алу конкурсының беренче этабыннан соң 250 гаризадан 75 катнашучы сайлап алынды. Укыту модульләре Әлмәттә, Яр Чаллыда, Иннополиста һәм Казанда узды. Хәзерге вакытта экспертлар алдында үзпрезентация белән чыгыш ясаган 15 яшь кеше лидерлыкка чыкты.

21 гасырда кешеләр - илнең һәм республиканың төп капиталы, диде Татарстанда «Үсеш локомотивлары» федераль партия проекты координаторы Әлфия Когогина. Республика өчен Үсеш локомотивлары дип ул сәнәгатьнең төп тармакларын, кече һәм урта бизнеска ярдәм итүне, икътисадның барлык өлкәләрен цифрлаштыруны атады.

Фәрит Мөхәммәтшин чыгыш ясаучыларның «күзләре янып» торды, аларның күбесе өметле - укуларын дәвам итүче һәм яңа биеклекләргә ирешә торган кешеләр, диде. «Беркем югалып калырга тиеш түгел дип уйлыйбыз. Аларны һичшиксез кулланырга кирәк була. Без «Бердәм Россия» партиясенең төбәк бүлеге белән очрашуда катнашучылар Татарстан территориясендә гамәлгә ашырыла торган проектларда актив булачак дип килештек», — диде ул.

"Татар-информ" МА язмасы буенча, Андрей Данилов фотолары





Принтердан чыгару өчен



Матбугаттагы басмалар

19 май 2017
Фәрит Мөхәммәтшин: “Хакимият гомерлеккә бирелми. Иң мөһиме – кеше булып калу”
Чыганак: “Шәһри Казан” газетасы, 2017 елның 19 мае

Фотоархив

Сәяси фәннәр докторы гыйльми дәрәҗәсенә диссертация яклаудан фоторепортаж - Мәскәү, 2001 елның 21 июне
Бөтен архивны карарга
Татарстан Республикасы Дәүләт Советы Рәисенең шәхси сайты, 2008 - 2019 еллар.
Сайтның администраторы
Материаллардан файдаланганда чыганакка сылтама ясау мәҗбүри.