Мухаметшин Фарид Хайруллович Председатель Государственного Совета
Төп бит Старт Сайланма Сайтның картасы

рус : тат : eng
Карта Татарстана
Хөрмәтле дуслар!

Сезне Интернет челтәрендә үземнең рәсми сайт битләрендә сәламли алуыма шатмын. Бу ресурс битләрендә Сез Татарстан Республикасы Дәүләт Советы һәм аның Рәисе турында төрле мәгълүмат таба аласыз.

Ихтирам белән,
Фәрид Мөхәммәтшин

Интернет-приемная

Вакыйгалар

Яңалыклар
Матбугаттагы басмалар, чыгышлар
Фотогалерея
Видеорепортажи
Аудио-интервью

Яңалыкларга язылу



Яңалыклар

Фәрит Мөхәммәтшин: Халыкның эшчәнлек активлыгын уртача дәрәҗәгә җиткерәсе иде

Фәрит Мөхәммәтшин: Халыкның эшчәнлек активлыгын уртача дәрәҗәгә җиткерәсе иде

Татарстанның Дәүләт Советы Рәисе Фәрит Мөхәммәтшин авыл халкының эшчәнлек активлыгын уртача дәрәҗәгә җиткерү теләген белдерде. Бу хакта ул Яшел Үзәндә зональ семинар-киңәшмәдә әйтте.

Ул кече хуҗалык формалары үсеше өчен 2 млрд сум акча бүлеп бирелүен, грантлар буенча да билгеле суммалар күчерелүен искәртте. “Без бу мөмкинлекләрдән файдаланган кешеләрне дә күрәбез. Алдынгы карашлы җирлек башлыклары эшмәкәрләрне таба, тырышалар. Битарафлар да бар, әллә аңламыйлар, әллә белмиләр. Сәбәпләрен ачыклыйсы, халык эшчәнлеген уртача дәрәҗәгә менгезәсе иде”, - диде Фәрит Мөхәммәтшин.

Парламент башлыгы авылларны саклап калу өчен республика программаларының әһәмиятен билгеләп үтте. Аның әйтүенчә, 38 республика социаль программасы уңышлы гамәлгә ашырыла. "Россиядә бер ел эчендә картадан 300гә якын авыл юкка чыга бит. Бу хезмәт, рухи, мәдәни потенциалны югалту дигән сүз”, - ди ул.

Аның фикеренчә, авыл җирлегендә дә эшмәкәрлек белән шөгыльләнергә теләүчеләр арта бара, бары тик шартлар гына тудыру зарур. “Авыл хезмәтчәннәренең югары керемен тәэмин итү – актуаль сорау”, - диде Мөхәммәтшин.

Ул авыл җирлекләре башлыклары үз авылы активлыгын кайгыртырга тиешлеген искәртте. “Кооперативлар булдыру, терлек санын киметмәү, ә арттыру, халыкның мәшгульлеген кайгырту, мәшәкатьләрен киметү кебек бурычлар куела. Авыл "картая", халкы кими”, - диде. Сүз уңаеннан, соңгы 20 ел эчендә Татарстанда авыл халкы 100 меңгә кимегән.

Фәрит Мөхәммәтшин әйтүенчә, мондый утырышларда авыл җирлеге башлыгы, район башлыгы дәрәҗәсендә дә хәл итеп була торган мәсьәләләр дә күтәрелә. Бу нисбәттән, ул җирле түрәләргә халык белән тыгызрак мөнәсәбәттә торырга кирәклеген искәртте.

Татар-информ





Принтердан чыгару өчен



Матбугаттагы басмалар

19 май 2017
Фәрит Мөхәммәтшин: “Хакимият гомерлеккә бирелми. Иң мөһиме – кеше булып калу”
Чыганак: “Шәһри Казан” газетасы, 2017 елның 19 мае

Фотоархив

Клуб - 21
Бөтен архивны карарга
Татарстан Республикасы Дәүләт Советы Рәисенең шәхси сайты, 2008 - 2023 еллар.
Материаллардан файдаланганда чыганакка сылтама ясау мәҗбүри.