Фәрит Мөхәммәтшин һәм Игорь Баринов республикада милли сәясәтне гамәлгә ашыру мәсьәләләре буенча фикер алыштылар. 173 милләт вәкиле яшәгән Татарстанда милләтара һәм конфессияара татулык мәсьәләләренә зур игътибар бирелә. Парламент җитәкчесе сүзләренә караганда, бу эштә иң мөһиме - республика территориясендә яшәүче халыкларның телләрен һәм гореф-гадәтләрен саклау һәм үстерү, милләтара конфликтларны кисәтү.

Парламент башлыгы билгеләп үткәнчә, Татарстан халыклары ассамблеясе беренчеләрдән булып Татарстан Республикасында 2021 елда игълан ителгән Туган телләр һәм халыклар бердәмлеге елы кысаларындагы чаралар планын гамәлгә ашыруга кереште.

Игорь Баринов Татарстан халыклары ассамблеясенең, аерым алганда, федераль проектларны гамәлгә ашыруда актив катнашучы Яшьләр ассамблеясенең эшен югары бәяләде.