Фәрит Мөхәммәтшин Россия Закон чыгаручылар Советы Президиумы утырышында катнашты
 Фәрит Мөхәммәтшин Россия Закон чыгаручылар Советы Президиумы утырышында катнашты |
 Фәрит Мөхәммәтшин Россия Закон чыгаручылар Советы Президиумы утырышында катнашты |
 Фәрит Мөхәммәтшин Россия Закон чыгаручылар Советы Президиумы утырышында катнашты |
 Фәрит Мөхәммәтшин Россия Закон чыгаручылар Советы Президиумы утырышында катнашты |
 Фәрит Мөхәммәтшин Россия Закон чыгаручылар Советы Президиумы утырышында катнашты |
|
Дәүләт Советы Рәисе Фәрит Мөхәммәтшин Россия Закон чыгаручылар Советы Президиумы утырышында катнашты, ул бүген видеоэлемтә режимында узды. Парламентарийлар, башкарма хакимият органнары, төбәкләрнең закон чыгару җыелышлары вәкилләре торак базарында бәяләр билгеләү, шулай ук дәүләт экология мониторингын уздыру мәсьәләләре буенча фикер алыштылар. Утырышны Закон чыгаручылар Советы рәисләренең урынбасарлары - Дәүләт Думасы Рәисе урынбасары Ирина Яровая һәм Федерация Советы Рәисенең беренче урынбасары Андрей Яцкин уздырды.
Парламентарийлар төбәкләрдә "Гаилә ипотекасы" һәм "Ташламалы ипотека" программаларын гамәлгә ашыру мониторингын үткәрергә, торак базарында бәяләрне киметү һәм ташламалы ипотеканы кредитлау программаларын гамәлгә ашыруның нәтиҗәлелеген арттыру өчен тәкъдимнәрне карарга ниятли.
Моннан тыш, Президиум әгъзалары дәүләт экология мониторингын алып баруга һәм регионнарның экологик паспортларын эшләүгә кагылышлы вәзгыятьне өйрәнделәр.
Утырышта Татарстан Дәүләт Советыннан шулай ук Торак сәясәте һәм инфраструктура үсеше комитеты рәисе Александр Тыгин һәм Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев катнашты.
РФ Закон чыгаручылар советы - Россия Федераль Җыены каршындагы киңәшмә һәм консультатив орган. 2012 елның маенда гамәлгә куелган, эшнең максаты - закон чыгару эшчәнлеген килештерү, Дәүләт Думасының, Федерация Советының һәм төбәк закон чыгару җыелышларының контроль вәкаләтләрен камилләштерү. Россия Закон чыгаручылар Советы утырышында федераль министрлыклар һәм төбәкләрнең башкарма хакимият органнары җитәкчеләре, депутатлар һәм сенаторлар катнаша. Бүген Ирина Яровая билгеләп үткәнчә, Закон чыгаручылар советы - гражданнар өчен актуаль мәсьәләләр карала торган мәйданчык, Хөкүмәт адресына тәкъдимнәр һәм законнарны камилләштерү буенча карарлар чыгарыла.
Татарстан Республикасы Дәүләт Советы матбугат хезмәте
Кирегә
|
