Фәрит Мөхәммәтшин: “Сайлаулар уңышлы узачак”
 Фәрит Мөхәммәтшин: “Сайлаулар уңышлы узачак” |
|
1 мартта ТР Дәүләт Советы Рәисе Фәрит Мөхәммәтшин Татарстанда дүртенче чакырылыш республика Дәүләт Советына сайлауларда катнашты. Республика парламенты башлыгы үзенең хатыны Луиза Мөхәммәтшина белән бергә Казанның Вахитов районында урнашкан 116нчы мәктәптәге сайлау участогында тавыш бирде.
Тавыш бирү процедурасыннан соң Фәрит Мөхәммәтшин журналистлар белән аралашты. “Кәефләр күтәренке, чөнки бүген республика парламентына сайлаулар уза. Татарстанда зур эш башкарылды, закон бозулар күзәтелмәде. Финанс кризисына бәйле вәзгыять күпләрне якынайткандыр, мөгаен. Халыкта тупланганлык бик нык сизелә. Шунлыктан тавыш бирергә килүчеләрнең саны күп булыр, сайлаулар уңышлы узар дип саныйм”, – диде ул.
ТР Дәүләт Советы башлыгы парламентта кайсы сәяси оппонентны күрергә теләр иде дигән сорауга Фәрит Мөхәммәтшин болай дип җавап бирде: “Мин халык өстенлек биргән оппонентларны күрергә телим. Соңгы сүзне сайлаучылар әйтәчәк. Минем позицияне сез беләсез. Мин һәрвакыт парламентта күп партиялелекне яклап чыгыш ясадым. Парламент рәисе кем генә булуга да карамастан, төрле фикерләрне алга сөрүче берничә фракция яшәп килгәнлектән, аңа төпле карарга килүе бик кыен. Парламент эшенең бөтен мәгънәсе нәкъ менә шунда. Шулай булырга тиеш дип уйлыйм”, – диде ТР Дәүләт Советы Рәисе.
“Татар–информ”
Кирегә
|
