Мухаметшин Фарид Хайруллович Председатель Государственного Совета
Төп бит Старт Сайланма Сайтның картасы

рус : тат : eng
Карта Татарстана
Хөрмәтле дуслар!

Сезне Интернет челтәрендә үземнең рәсми сайт битләрендә сәламли алуыма шатмын. Бу ресурс битләрендә Сез Татарстан Республикасы Дәүләт Советы һәм аның Рәисе турында төрле мәгълүмат таба аласыз.

Ихтирам белән,
Фәрид Мөхәммәтшин

Интернет-приемная

Вакыйгалар

Яңалыклар
Матбугаттагы басмалар, чыгышлар
Фотогалерея
Видеорепортажи
Аудио-интервью

Яңалыкларга язылу



Яңалыклар

Фәрит Мөхәммәтшин: “Бүгенге дөньяда иң мөһиме – халыклар дуслыгы”

Фәрит Мөхәммәтшин: “Бүгенге дөньяда иң мөһиме – халыклар дуслыгы”
26 майда ТР Дәүләт Советы Рәисе, Татарстан халыклары Ассамблеясе рәисе Фәрит Мөхәммәтшин ТР Халыклары дуслыгы йортына 10 ел тулуга багышланган тантанада катнашты.

Татарстан халыклары Ассамблеясенә керүче диаспора вәкилләре Фәрит Мөхәммәтшинны милли киемнәрдә каршы алдылар.

Бәйрәм тантанасын ачканда, Халыклар йорты директоры Гөлирәм Абдрахманова әлеге бинаның ачылу тарихын бәян итте. Халыклар дуслыгы йорты 1999 елда Татарстан халыкларының I съезды нәтиҗәләре буенча, Президент Минтимер Шәймиев Указы нигезендә ачылган. “Безнең Халыклар дуслыгы йорты илебездә иң беренчеләрдән булып нигезләнде” - диде ул.

Татарстан парламенты башлыгы, ТР халыклары Ассамблеясе рәисе Фәрит Мөхәммәтшин тантанада катнашучыларны бәйрәм белән тәбрикләде. “Безнең матур, чиста, кунакчыл дуслык йорты булдыру хыялы тормышка ашты. – диде ул. – Мөгаен, күпләрегез хәтерлидер, әлеге эшләрнең башында 9 милли-мәдәни автономия торды. Бүген исә республикабыз халыклары Ассамблеясе җитмешләп мили-мәдәни мөхтәриятне бергә туплый. Алар өчен бу бина туган йортка әйләнде”.

Ф.Мөхәммәтшинның әйтүенә караганда, бүгенге көндә республикабыз шәһәрләрендә һәм районнарында Ассаблеянең бүлекчәләре ачыла. “Бу безнең өчен җәмәгать эше, без аны чын йөрәктән башкарабыз”, - диде ул. Парламент башлыгы сүзләренә караганда, Халыклар дуслыгы йортында эшләүчеләр тырышлыгы белән төрле милли бәйрәмнәр уздырыла. “Күптән түгел генә мин Никольское авылында русларның борынгыдан килгән Каравон бәйрәмендә булдым. Анда нинди генә милләт вәкилләре юк иде! – диде Ф.Мөхәммәтшин - “Бүгенге дөньяда иң мөһиме – халыклар дуслыгы. Кризис һәм аның нәтиҗәсендә барлыкка килгән авырлыклар вакытында без бер-беребезгә ярдәмчел булырга бурычлыбыз. Без бергә, дус-тату яшәгәндә генә үз алдыбызга зур бурычлар куя алабыз”.

Руслан Мөхәммәдшин, Дәүләт Советы матбугат хезмәте





Принтердан чыгару өчен



Матбугаттагы басмалар

19 май 2017
Фәрит Мөхәммәтшин: “Хакимият гомерлеккә бирелми. Иң мөһиме – кеше булып калу”
Чыганак: “Шәһри Казан” газетасы, 2017 елның 19 мае

Фотоархив

Сәяси фәннәр докторы гыйльми дәрәҗәсенә диссертация яклаудан фоторепортаж - Мәскәү, 2001 елның 21 июне
Бөтен архивны карарга
Татарстан Республикасы Дәүләт Советы Рәисенең шәхси сайты, 2008 - 2019 еллар.
Сайтның администраторы
Материаллардан файдаланганда чыганакка сылтама ясау мәҗбүри.