Татарстаннан читтә яшәүче ватандашларга ярдәм буенча 2012-2014 елларга республика программасы эшләнә

Татарстаннан читтә яшәүче ватандашларга ярдәм буенча 2012-2014 елларга республика программасы эшләнә Илдар Мөхәммәтҗанов фотолары Илдар Мөхәммәтҗанов фотолары Илдар Мөхәммәтҗанов фотолары Илдар Мөхәммәтҗанов фотолары Илдар Мөхәммәтҗанов фотолары Илдар Мөхәммәтҗанов фотолары Илдар Мөхәммәтҗанов фотолары Илдар Мөхәммәтҗанов фотолары Видео/аудио Видеорепортаж ТРК "Татарстан - Яңа Гасыр", на тат яз. (2,24 мин.)   (7,57Мб) Видеоны карарга Видеорепортаж "Вести-Татарстан" (0,50 мин.)  (2,64Мб) Видеоны карарга

Татарстаннан читтә яшәүче ватандашларыбыз белән элемтәләрне ныгыту вәкаләте ТР Конституциясенең 14 нче маддәсендә беркетелгән. Координация советының тәүге утырышларында Конституциянең 14 нче маддәсен гамәлгә ашыру өчен махсус республика законы әзерләү турында сүз кузгатылган иде. “Бу тема буенча бер ел дәвамында эшләдек. Башта бер канун варианты әзерләнде, аннары вәкаләтләр моңа җавап бирмәгәнгә, эшне ике юнәлешкә бүләргә туры килде”, - ди Совет рәисе Фәрит Мөхәммәтшин.

Бүген фикер алышулардан аңлашылганча, Россия кануннары буенча ватандашлар дип ил төбәкләре эчендә яшәүче гражданнар санала. Ә Россия чикләреннән читтә яшәүче аның гражданы булмаучылар ватандаш дип саналмый. Шуңа күрә чит төбәкләрдә һәм илләрдә яшәүче татарларга ярдәм буенча бер канун кабул ителгәндә дә, аның хакыйкатьтә эшли торган закон булмаячагын Координация советы әгъзалары аңлаган.

Бүгенге утырышта да бу хакта кызу гына фикер алышучылар булды. Россия төбәкләрендә яшәүче татарларга ярдәм буенча эшне бу төбәкләр белән республика арасындагы килешүләр аша җайга салу практикасы инде бар. Моны алга таба да файдалану кирәк, дигән фикер яңгырады. Чит илләрдә яшәүче милләттәшләргә ярдәмгә кагылышлы кайбер мәсьәләләрне карап бетерәсе бар. Әмма бүген бер нәрсә ачык яңгырады: читтә яшәүче ватандашларга (милләттәшләргә) ярдәм буенча урта перспективага республика программасы эшләп, кабул итү урынлы да, файдалы да булачак. Соңрак парламент рәисе Фәрит Мөхәммәтшин журналистларга белдергәнчә, программада чит төбәк һәм илләрдә яшәүче татарларга ярдәм күрсәтүнең тагын да конкретрак юнәлешләре урын алачак. Алар мәдәният, мәгариф өлкәләрендә хезмәттәшлек, читтә яшәүче татар эшмәкәрләренә Татарстан бизнесы белән элемтәләр урнаштыруга булышлык итү һ.б. юнәлешләрене күздә тота. “Бурыч гади генә түгел. Ул финанс чыгымнарын да, республика тарафыннан норматив-хокукый документлар кабул итүне дә таләп итәчәк. Март аенда программа проекты буенча тәкъдимнәр тупланып беткәч,беренче укылышта карау планлаштырыла. ДокументныТР Президенты Указы белән яки ТР Хөкүмәте карары белән быелның беренче яртысында раслау ихтималы бар”, - ди Фәрит Мөхәммәтшин.

“Татар-информ” мәгълүмат агентлыгы
Илдар Мөхәммәтҗанов фотолары